Gedicht van de Week van Jan Siebo Uffen

Psaalm op pont
Bie psaalm 137

Dou wie over Oostzee voarden, min
in moag deur wuilege boaren,
wol men ons aan t zingen dwingen.
‘Ie kennen veurvaast ook n verske
oet Holland? Bie störm en bie
wind?’ Mizzelk. Dus we kluigen of
bandiesden. Gain man overboord:
Boney M kwam noakend-mit-gold
en leventege slaangen om t lief
op t verhoog – en joa hur, ‘By the
rivers of Babylon’. Mog ons tong
aan t verwulf vaastbakken! Zingen
wied van Stad, doar we aal geern
zongen haren? Wie mozzen in
Zweden pokkeln; n slim aanbegun
mit n swoare bas en liefzeerte en
psaalm 137, vers ainstreepnegen.
En Bernard, ons looste, vrong deroet
tegen n wicht mit n slaang om nek:
‘Alderhemelst zoaleg zel dijgene
wezen dij joen lutjen griepen
zel en tegen n stain verplettern! Ach,
verzoepen mag ook… t Muit mie,
bitterhaid verdragt gain glidderghaid.’

Jan Siebo Uffen (Noordlaren, 1942) Uit: Dichter bie Psaalms (2010, Uitgeverij Vliedorp)
Meer informatie: www.webloug.nl

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

12 − 5 =

Terug naar boven ↑
  • Literatuur activiteiten

    Geen nieuwe activiteiten