Muziek bert hadders en de nozems

Gepubliceerd op 6 mei 2014 | door Webloug

0

10 maai feestelke start van t Gradus J. Bosklopperjoar


Zodderdag 10 maai is om 21:00 uur de feestelke start van t Gradus J. Bosklopperjoar. De vondst deur Bert Hadders van banden oet t archief van antropoloog Gradus J. Bosklopper zol veur de culturele geschiedenis van de Drents-Grunnger Veenkoloniën wel ais even belangriek wezen kinnen as ontdekken van Slochter gasbel west is veur de Nederlandse economie.

Bert Hadders en de Nozems hemmen heur ontfaarmd over dizze schat en prizzenteren dizze oavend n bloumlezen oet t repertoire dat deur Bosklopper verzoameld is. Sprekers zellen iengoan op de historische significantie van de Bosklopper tapes, aanslutend zellen disc-jockeys tot ien de lutje uurkes swingende plattelandsmuziek draaien. Kortom: t wordt feest.

Ie willen der vanzulf bie wezen. Dat kin, stuur n email noar bosklopper@iemandsland.com en loat waiten mit houveul je kommen. Kiek ook op www.iemandsland.com

10 maai 21:00 uur
De Silo, Achterweg 47, Stad

(Foto: Judith van der Meulen)

Tags: ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten