Banner DGT 2017


Algemeen toezeboudel

Gepubliceerd op 7 oktober 2017 | door Jan Glas

0

Zundag feestje bie Toezeboudel wegens 1500ste uutzenden

Zundag is de 1500e uutzenden van Toezeboudel. Gerard Lunshof vetelt hier over hou t begonnen is:

‘Begun december 1988 fietste k noar t verzörgenstehuus ’St’ Jozef’. Doar zel k mien eerste radio uutzenden moaken . t Was veur de B.O.H.S., dat ston veur ‘Bejaarden Omroep Hoogezand Sappemeer’. De noam ‘Toezeboudel’ schoot mie deur de kop veur dat k binnen stappen dee. ‘Hou hait dien pergram?’ vruig Joop Koeman dij achter de knoppen zat. ‘Toezeboudel!’ zee k. Nait deur dat k op 8 oktober 2017 de 1500ste ‘Toezeboudel’ moaken zel. Loater wui B.O.H.S., mit n bulde toeters en bellen, radio Compagnie (Komnij). Nait dat k van dizze uutzenden n groot feest moaken wil, mor derbie stilstoan doun wie wel even.’

In dizze uutzenden hebben wie as gast de ploug ‘Sproakwotter’ dij bestaait uut Martin Blok en Harry van Boven. En in ‘Vantainnoartaander’ zitten Henk Puister en Jan de Jong. Henk dij vanòf t begun mitwaarker is en Jan de Jong dij ook alweer hail wat joaren regelmoateg n verhoal vertelt in t pergram. Dus lu, even luustern goan.

Aanschoever Henk Puister en Prizzentoatsie Gerard Lunshof.

Meziek:

Hans van der Lijke met As is As
Snikthait mit Leutje Gertje
Sproakwotter live vanuur de kantine

Tieneke Boersema leest ‘Lekke fietsbaand’

Share on FacebookTweet about this on TwitterEmail this to someoneShare on LinkedInShare on Google+Pin on Pinterest

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

14 − negen =

Terug naar boven ↑