Banner DGT 2017


Gedicht van de Week van Jan Siebo Uffen

Leste dreum

t Bloud wordt mie nog aal verdolde hait

as ik miemer over dreum dij ik nait griepen kin.
Dij sweem van wat ik doun most haar:

dij vege vörm noa, blaik as eerappelbloud?

t Bloud is mie nog aal verdolde dun

as ik bedìnk: Háár derachterheer lopen,

al waist, dast ja slepst tot verswindens tou,

en op de hondeloan lopt d’geest veuroet.

Sloap moakt mie nou sikkom kèl in hoed,

al wait ik dat mien medesien kleurwotter is,
niks of naks om gezond of oet tied te roaken.
Lös, achter dij sweem aan op de hondeloan…
Dreum wordt mie in t leste – Dreum

over dreum over dreum over dreum.

Jan Siebo Uffen (Noordlaren, 1942)
Uit: Dast doe dat ik (Huis van de Groninger Cultuur, 2015)

Share on FacebookTweet about this on TwitterEmail this to someoneShare on LinkedInShare on Google+Pin on Pinterest

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

zes + negen =

Terug naar boven ↑