Banner DGT 2017


Gedicht van de Week van Aly Freije

Moment

t Is nait allain dit
de hette van dien handen
t vuur van dien mond
dat zuk ingroaft, onverdachts
mien hoed vlammen let
de zinnen klimmen
in oplaaiend licht

t Is ook
dij grieze zilverrook
dij oet dien hoaren
dien ogen stroomt
mie mitnemt

nog braanden vuren in daipte

as ik mie lösmoak
stuit op brokken eerde
swaart bloakerd stain

ik schoel in dien alkoof
tussen haals en sleudelbain

Aly Freije (Veelerveen, 1944)
Uit: Dast doe dat ik (Huis van de Groninger Cultuur, 2015)

Share on FacebookTweet about this on TwitterEmail this to someoneShare on LinkedInShare on Google+Pin on Pinterest

Tags: , , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

2 × vier =

Terug naar boven ↑
  • Literatuur activiteiten

    Geen nieuwe activiteiten